SAIKAO, 20 Phiata, 2019, Khazoh noh (MNN) – Atakô 28th Mara Students Organisation (MSO) General Conference hnei nawpa Saikao cha a khihtlâh ta pandal sa lymâpa châ ta, atahmâ he vâro tlai patlô hapa a châ.
Zâhnia kha ta MSO General HQ chhithatuhpazy chhao ama za tly hra.
General HQ chhithatuhpazy nata MSO Conference Organising board zy buakha atyupahmaona hneipa ta hmoh peimawhpazy reipa a châ.
He pandal tôtlâh zydua he steel structure hmâpa châ ta, a chô he râhvâ sai ta khupa a châ.
Saikao khihtlâh ta Marasaw achuhaipazy châta amâ pie pasaina nata amâ patopatiana he arôna ngaita kaw.
Sapa nata thlahpa liata marasaw byhnâ eima to thei nawpa ra Missionary Re. RA Lorrain ta Mara modern education a pathao tua chaina su nata Saku o a padua tuah chaina Saikao khih liata târi 19 -21 November, 2019 chhôh ta MSO General Conference vaw y awpa he Marasaw achuhaipazy tlô nawpa a ngiatiah khao vei ei.
(Admin, MNN. Source: LB. Vabeihruasa.)