SIAHA, 9 Phiapi, 2019, Pachynoh (MNN) – Zâhnia târi 8 Phiapi, 2019 liata Miss Mara Contestant zy cha MADC Forest Department taopa Kaochao East liata Picnic Spot liata Photo Shooting hneipa châ ta, member zydua âki kawpa ta ama pua thei khai.
Miss Mara 2019 he târi 26-29 Phiapi, 2019 chhôh ta Kiasie liata MTP General Conference hnei awpa liata atlyna hneipa a châ aw.
Ary liata palâsapazy he Branch 19 tawhta Miss Mara 2019 Contestant châta moh avaw pangiapazy ama châ:-
- Christina B. Notlia = Thosai
- B. Lalrinzauvi = Vahia
- Juliana Hlychho = Vahia
- Tentisnerry Hrozachhinô = Maisa
- Ngôpawpha = Maisa
- Martinis Khaila = Meisavaih East
- S. Beireisi = Siahatlâh
- Ephesi = Siahatlâh
- Jenifer A. Marapawngia = Meisavaih West
- H. Zelden Pawngia = Meisavaih West
- HC. Ngôna = Kaochao East
- Mariah Lôlei Pawpi Chozah = Siaha Vaihpi
- NH. Ereline = Chheihlu
- Beipingia Nôhro = New Colony
- Rawden S. Beibieki = New Colony
- B. Vangôhnia = Lôpu
- Lyrili Thlyutha = Tipa Vaihpi
- Elesi K. Beinôpha = College Vaih
- Teresa Syuhlô = College Vaih
Marasawzy ta Miss Mara atlyna eima hnei tyhpa liata Contestant zy he, manôh hluh via cha ama hmi apha vâta tly ma, ama pôraoh apha vâta tlyma nata ama thaina sona â sâh kaw vâta tlyma vâta apatlâh tyhpa châ hlei leipa ei ta, Mara Thyutlia Py hmotaopa pachâ peimawhpa ta, Branch to liata Leader zy tawhta ahawna hawh ta veiseih palôhâh kawpa ta amâ hlao tyhpa a châ.
“Miss Mara Contestant zydua Marasaw châta nata Mararâh châta byhnâ vaw tlôkhei u la, hrozie nôchâ nata Mara chi nata pho taozie phapa – veiseih palôhâhna, tiamana, hriapasana, mo hropa châta apiepasaina, chiehleipazy baona, nôhmei hârâpazy viasa vaw châ u la, Mararâh he pawpi hawh ta vaw papawsa lymâ muh vy” tahpa he Maraland.net tawhta eima cha khokheina ao a châ.
(Admin, MNN. Source: H. Vabeitha, Chairman, Miss Mara 2019 Organising Board.)