SIAHA, 10th Pamih, 2021 – Atanoh târi noh 10.03.2021 (Pakhynoh) dawh 11:00am khata Pp. CH. Beikhochhi, President MSO Gen. HQ, Siaha nata a hrialâhpazy ta MCHP Branch, Council Vaih zy amâ duana tawhta a kô 25-na Silver Jubilee Celebration nata MCHP Day alyna cha hruapa ama châna hawhta ama hmâkhei.
He daihti liana heta President, MSO Gen. HQ chhao biereina daihti piepa châ ta, chanôzy cha chi nata pho paduana kyh liata ama peimawh zie nata maophaohna hnei lai kawpa châ ei ta, chapaw zachhihna pabohsana kyh liata chhao chyhsa peimawh kawpa ama châ zie reih ta, MCHP Branch, Council Vaih zy hmialâ tôh via lymâ awpa ta khokheina a hlâ pâ ei.
He Silver Jubilee alyna lia heta President he Pp. T. JB. Rona, Vice President nata Pp. K. Vabeichhitha, Secy i/c I & P zyta chakaochahlâh ei ta, programme alypa nata thapha kawpa ta hmâpa a châ khai tawhta, zâlâ kyhchhina pati dôhkhopa a châ.
(Source: MSO Vyhphao Info.)