SIAHA, 21 Nawh, 2022, Chutyhnoh – Atanoh zâlâ dawh 2:30 PM khata Puhpa N. Zakhai, Chief Executive Member, MADC Siaha ta a Official Chamber liata Siaha District tawhta Mizoram Youth Commission (MYC) pachhuahpanohpa, IAS Scholarship Exam liata hlaotlohna a topazy a lykheina Thopi do pahmaohna a hnei khei ei.
Puhpa N. Zakhai, CEM chata pasyuhna bie reih ta, “hlaotlohna a topazy ei palôhru hmeihseihta châ lykhei ei na ta, nâmo liata hnabeiseihna laipi ei hnei.”
“Atahmâ châ khizaw thaihna nata sonazy avaw sâh via lymâ ta, chyhsa quality kawpazy vawpua lymâ ei ta, cha hawpa chysa châ Mararâh ta â ngiapa a châ.”
“Nâmo sahlaozy he Mararâh ta cha mokhâh thlâh haw pi ta, Mararâh hmahsie naw’pa châta nama thaina nata sohnazy nama hmâh awpa a châ.”
“Mararâh ti nata râh thapasana hneina chôta, Coaching nama kia ti chhaota tiama papua lymâ u la, Mararâh zawpizy chhaota hlaotlohna nama hnei thei nawpata thlachhânna ta eima cha vaw bao lymâ aw.”
“Nama nô nata paw zy ta riethei kawpata Siku chapakiasa ei ta, chavâta paritheipa, sahma nata drugs tawhta zy, chanô chapaw châna (Sex) tawhta zy, viasa phaleipa tawhtazy a sohsina chô ta, hlaohtlohna toh cheingei awpa ta tiama nama pakua awpa a peimawh ngaita kaw.”
“Politics ngâlâh he râh taopathina châ leipa ta, sawhkhâ rai chhao he râh taopathina pha kawpa a châ tahpa pahnona chôta, MYC tawhta Scholarship nama hmôpa he phahnai kawpa ta hmâh awpa nata hlaotlohna toh cheingei awpa ta khokheina ei cha hlâ ei” tahpa ta pasyuhna bie a reih.
Atanohta a lykheina hneipa zy cha he nahzy he ama châ:-
(1) S. Rualkhuma,
S/o S.VL. Peka, College vaih-I
(2) B. Vallency,
D/o B. Sawma, N. Colony-II
(3) Sharon K. Vahneiki,
D/o K. Mara, Siaha Vaihpi-II
(4) Amanda AV. Hlychho,
D/o Allen Hlychho, N. Colony-IV
(5) Beisalai Hlychho,
S/o K.H Hachhua, Siaha Vaihpi-I
(6) A. Marapaw,
D/o A. Vishra, Siaha Vaihpi-II
(7) Vanlalhmuthangi
(8) K. Esmond Vabeirona,
S/o KL. Chhinga, Tipa ‘D’ –II
(9) Joseph Beichakao
(10) B. Beipirona,
S/o B. Zachhô, ECM Vaih
(Admin, MNN. Source: I & PO, MADC)