SIAHA, 4 Chhiepa, 2022, Pachynoh (MNN) – Congregational Church of India – CCI(M) Krizyhpa Thyutlia Py (KTP) Bia No.2 zy ta KTP Day 2022 & Platinum Jubilee alyna châta District Hospital, Siaha Blood Bank liata so awpa thisaih ama pie.
Thisaih pietuhpazy he Chapaw 22, Chanô 8 châ ei ta, ama zydua ta Unit 30 tlai ama pie.
Thisaih lana chu châta CCI(M) Siaha Vaihpi Awnano Hall hmâpa châ ta, Blood Bank liata hriatuhpazy ta he su liata thisaih he ama za la.
Blood Bank liata thisaih ama peimawh kaw no ta CCI(M) KTP zy ta he hawhta thisaih ama pie theipa he aly’pa a châ hmeiseih.
AVBD tawhta Puhpa NT. Hrasia, Vice President ta thisaih piena su liata ahlaopa ta a deichhy thei hra.
(Admin, MNN.)