SIAHA, 25 Phiapi, 2022, Chutynoh – Târi 23-25 Phiapi, 2022 chhôh ta Multipurpose Hall, Council Vaih, Siaha liata hneipa MTP Gen. HQ Special Assembly cum Gen. Election, 2022 cha atazâ liana kha ta apalâ kawpa ta hnei patlôpa a châ.
Atazâ kha Apathliena Programme ahmâpa châ ta, Puhpa Pakhaw Chozah, Gen. Secretary, MTP Gen. HQ ta chhihtha ta, Rev. VL. Ngaia Hlychho, Senior Executive Secretary, ECM Assembly ta Isai 58:11-12 Biehrai Pathaihpa reipapuapa ta Khazohpa bie tawhta Paduapathina rai hria awpa ta bietana nata pasyuna bie a reih.
Atazâ liata Khichhai Laipa châta Puhpa H. Malvina, Hon’ble CEM, MADC hruapa châ ta, Mara Thyutlia zy anaoh ta, Khichai Laipa châta hruapa a châ vâta alynabie a reih:-
Khichhai Laipa bierei tlâhpi viapazy:-
1.Eima châna liata ngâchhih ngaita kawpa ta hria awpa nata châna liata ngâchhih awpa.
2.Khitlâh hro rao haipa, MTP hro ado leipa, social life ado leipazy taopathi tuhpa châ awpa.
3.Sawhkhâ taopathi tuhpa – sawhkhâ adyuh leipa ta sawhkhâ pahdo patlâh tuhpa, thapatlô tuhpa, deichhy tuhpa nata hrialâh phapa châ awpa.
4.Special Assembly chhâ tawhta eima khih/vaih chyu lâ eima sie ti ta Hriapasana, sasyh apiepasa viapazy châ achhuah si la, aparao tuhpa châ leipa ta, araopa taopathi tuhpa châ achhuah chyu awpa.
Outgoing President Puhpa PP. Zalena ta alynabie reih ta, term 2 chhôh President a châna daihti liata a deichhy tuhpa zydua hnoh ta alynabie reih ta, atly thiehpazy hnoh ta alynabie a reih.
Newly Elected President Puhpa Pakhaw Choza ta alynabie reih ta, ano nata a hrialâh awpazy ta ama theina hawhta rai hria lymâ awpa amâ chhuah aw tahpa a reih.
MTP Branch: Siaha Vaihpi ta Hlapy ta hla paryh ei ta, Mari S. Beilyki, Zofa Lelte 2022 Top 10, Clara K. Melita, Mara Idol 2021 1st Runner up, FC. Suna Chanô, Mara Idol 2021 Top 5, John Beizachhi Phuto, Senior Artiste, N. Lysia, Artiste, Pazi Khaila, Senior Artiste, Krismaspawti Hlychho, Artiste, Beihrohnei Zawthâ, Artiste zy ta mo pakha hlasapa ta zawpi ama palôpahawh.
Puhpa Reuben Hlychho, Secy. i/c Games & Sports, MTP Gen. HQ, Siaha ta vote of thanks reina hnei ta, he khai tawhta daihti khawna châta Zisu Krista thlahchhâ pachupa reiparaohpa ta Apathliena Programme pachhâsapa a châ.
Atazâ liata MTP Gen: HQ, General Election 2022-2025 Result phuahpa châ ta, ary liata palâsapazy he atlypatlohpazy ama châ:-
- PRESIDENT : Pakhaw Chozah
- SENIOR VICE PRESIDENT : S. Vabeihasa
- VICE PRESIDENT : Pahmô Hlychho
- GENERAL SECRETARY : Israel R. Chozah
- ASSISTANT GENERAL SECRETARY : Solomon N. Beihlôthâ
- TREASURER : T. Cassidy
- SECRETARY i/c FINANCE & ACCOUNT : TT. Chhote
- SECRETARY i/c INFORMATION & PUBLICITY : VT. Martin Vabeiduakhei
- SECRETARY i/c ART & CULTURE : T. Beihronga
- SECRETARY i/c SOCIAL WELFARE : Dr. V. Beizakaw
- SECRETARY i/c GAMES & SPORTS : T. Vabeichhuakhu
Sd/- BeiRôkhu Beitâ
SECRETARY
i/c Information & Publicity
MTP Gen. HQ, Siaha.