SIAHA, 3 Thlazoh, 2023 – Atanoh khata MSO Sub-HQ, Chakhei pachhuahpanohpa ta Sports Meet Cum Educational Fest, 2023 hmâpa liata Puhpa T. JB. Rona, President, MSO Gen. HQ, Siaha cha Chief Guest châta hruapa a châna hawhta a hrialâhpa thokhazy nahta amâ kaw hlao thei hra.
President, MSO Gen. HQ heta, “Sports Meet cum Educational Fest ahlaopa zydua Samaw hlâ ta, Chakhei Sub-HQ ta he hawhpa programme pha kawpa nata ngia tlâh a châpa a pachhuahpanoh theipa â ly zie reih ta, education he all-round development a châna hawhta châ achu awpa ngâlâh châ leipa ta, sports chhao eimâ chuna pabua leipa ta achuna liata hmah eima sie via theina awpa ta eima tao tyh hra awpa a châ. Chavâta, Spiritually, Mentally nata Physically ta achuhaipazy cha hmoto eima taopa liata a tlâh eima châ awpa a châ. He hleikhota, Marapazy eima chariah chhaichhi pha chaipa nata tiah chaipa cha achuna a châ tahpa he my beih kha ei s’u. Marapa 60,000 chhao a tloh leipazy pi he chihro, pho hropazy tawhta â boh awpa nata aduah papua awpa ta cha Achuna ngâlâh he eimâ pahniehna chhaichhi pha chaipa a châpa vâta, atanoh ta programme chhao he achuna liata hmahsiena miah pietuhpa nata tlôkheituhpa vaw châ mawh sy” tahpa ta a reih.
MSO Sub-HQ, Chakhei zyta he hawhpa programme pha kawpa pachhuahpanohna châh ama pahnopa he reithai tlâh châ ngaita ei ta, hmialâ ama sie lymâ n’awpa lia chhaota tiama papua via rili awpa ta khokheina sâh chaipa eima hlâ hmeiseih.
(Atanoh President kaw chakaochahlâh theipazy cha Elson Eliasah Notlia, Vice President nata Byhna Chozah, Gen. Secretary zy ama châ.)
Issued by : Mara Students’ Organisation Gen. HQ, Siaha