SIAHA, 10 Phiata, 2023, Hriaheinoh – Atanoh dawh 1:00 Pm liata 22-Siaha East-I MDC bia tawhta by-election liata atlypatloh thiehpa Puhpa Nelson Khenglawt ta MADC Environment & Forest Department Conference Hall liata Khazohpa nata zawpi hmiakô liata bietaina “Oath Taking” a hnei.
He Programme he Puhpa C. Siatha, Under Secretary, Legislative Department, MADC ta chhihtha ta, Puhpa K. Vanlalliana, Court President & Recorder, District Council Court, MADC ta bietaina a pahneisa.
Daihti thaona liata Rev. Chhuakhu Khithie, Executive Secretary i/c Education, ECM Assembly ta thlahchhâna daihti hmâh ta, programme pavaosana a hnei.
He daihti liata CEM, Chairman, EMs, MDCs, Ex-MDCs nata eima râh nôpawpa hluhpi zy ahlao ei ta, MADC ry liata Officials hleikhô ta NGOs nata Siaha District MJA member zy chhao amâ hlao hra.
MADC vyuhpa ta Legislative Department tawhta alykheina châta Pawpi hlâ ei ta, Political Parties lâ tawhta nata mo pakha tawh chhao alykheina Pawpi ama hlâ hra.
Târi 29 Thlarâh, 2023 pa ta 22-Siaha East-I MDC Constituency by-election hneipa châ ta, târi 3rd Phiata, 2023 liata vote reina nata phuahna hneipa a châ.
He by-election hneina bia he Puhpa H. Hrangchuanga (L) miah apahâsai hapa bia châ ta, ano vyuhpa liata atlyna he hneipa a châ.
(Source: I & PO, MADC)