SAIKAO, 13 Phiata, 2023, Chutynoh – Atanoh dawh 1:00 Pm pa liata VIOLET GATE, Saikao hawka liatahpa cha pahypa a châ.
Violet Gate Pahyna Programme he K/Machâ Az. Beirarôna, VCP Saikao ‘B’ ta chhihtha ta, Machâ Jc. Mawsi, LMC, Saikao ta Abeipa lâta pavaosana Thlahchhâna a hnei.
Rev. L. Mark ta Violet Gate Alykawpa ta pahy ta, CCI(M) KTP Branch, Saikao Hlapy ta, Hlasapa ta chakaona ama hneipazi.
Rev. Az. Beirakaw General Secretary, ta Abeipa bie tawhta biereina pha kawpa nahthliepa châ ta, Machâ C. Siacho, Saikao CCI(M) Local Chairman tawhta biereina nahthlie hrapa a châ.
Puhpa L. Beihruakhai, MDC, Saikao Biatuhpa ta Violet Gate pahyna liata hrua eihpa nata zawpi lâta Alynabie reina daihti hmâh ta, CCI(M) Local Awnano Hyutuhpa Machâ L. Makhu ta Byhnâ awna ta daihti a pachhâsa.
Progamme ahlaopa zydua Violet Gate pahyna su liana he ta alyna pati kyhchhi pâpa achâ.
Violet Gate he Puhpa L. Beihruakhai, MDC Saikao Biatuhpa ta MDC-LADS Fund tawhta ataopa châ ta, Saikao tawhta Kaochao pangaina khih hawka liata taopa achâ.
(Edited by Admin, MNN. Biehnawh: Tlôsai (Saikao) Syna Opi)