SIAHA, 14 Di, 2023, Pobienoh – Atanoh my dawh 11:30 Am kha ta Puhpa T. Seido, EM i/c Social Welfare etc. ta Agape Home, Amobyuh Vaithieh tlypa ta Agape Home châta Water Cooler (Ti chakuasana) hlâna a hnei.
He daihti liata Programme pha kawpa hmâpa châ ta, Puhpa T. Seido, Hon’ble EM hleikhô ta Puhpa S. Rakhai, Road Transport Officer (RTO), MADC nata Pihnô Patricia T. Azyu, Social Welfare Officer (SWO), MADC zy chhao ta pasyuna bie ama rei hra.
Puhpa T. Seido, Honb’e EM chata biereina chyupa daihti ahmâpa liata Agape Home liata Patient-zy hnoh ta “taozie parohpa zy siesai ta, hro thiehpa ta hro awpa hnabeiseihpa ta he su avaw ngaipa zy châ ei chi ta, khotlyna – decision sianô kawpa taopa ta, hnôh a sy leipa ta, Bei Zisu cha khâchâ pazi chyu awpa” tahpa reipa ta pasyuna bie reih ta, “patlâhpa nama châ thei nawpa nata tlâhna hnabeiseihpa ta he Home nama vaw ngai ha tawhta cha, tiama papuapa ta nama puapahlie cheingei awpa a châ.”
“Abeipa bie liata ‘cha aw ei na ta, châhrasala nahthlie khoh leipa ei chi ta, ei ryhraona zy apyh khoh leipa ei chi ta, chavâta nama nôpona daihti liata ei chapahneisao aw ei’ a tahpa kha pahno thlâhna chô ta Abeipa lâ khâchâ moh ha suh vy” tahpa ta pasyuna nata khokheina bie pha kawpa a reih.
Puhpa T. Seido, Hon’ble EM he Pihnô Patricia T. Azyu, SWO, laihsa K. Jenny, LDC, Puhpa T. Pabua, Cameraman zy ta ama chakaochahlâ.
(Source: I & P Deptt. MADC)