SIAHA, 4 Nawh, 2024, Pobienoh – Atanoh he ta MSO General Headquarters, Siaha nata MCHP General Headquarters, Siaha zyta Raj Kishore SM, Dy. Commandant, 20 Assam Rifles ‘D’ Coy Commander zy apakyhpa châ ta, he liana heta Byhna Chozah, Gen. Secretary, MSO Gen. HQ tawhta Introduction nata alynabie reinazy hnei ta, Dy. Commandant ta Mararâh liata a y chhôhta Mararâh nata Mizoram châta hmahlana a hnei khohpazy reina hnei hra ta, he khai tawhta MSO Gen. HQ, Siaha nata MCHP Gen. HQ zy tawhta eima khopazy reina hneipa châ ta, hezy he hmah lakhei awpa ta ahawpa a châ.
- Eima District chhôh liata Drugs â vaw ngiapazy pakhâ n’awpa kyh.
- Refugees zy atyuduana kyh.
- Army Recruitment kyh liata a rainao via ta Thyutliapazy amâ ngia thei n’awpa kyh.
- NCC eima hneipazy achuna sâh viapa nata hlaotlohna ama to via thei n’awpa kyh.
- Achuhaipazy hnohta Pheisaih lâchhâh ama pahâh via thei n’awpa ta Demonstration tao khoh awpazy.
- Medical Aid/Free Clinic pachhuahpanoh hluh via awpa nata hmah lakhei awpazy ta ahawpa a châ.
Deputy Commandant tawhta ahawna hawhta Assam Rifles Camp liata apakyhna daihti he hmâpa châ ta, MSO nôpawpazy nata MCHP nôpawzy tawhta biereina hneipa a châ khai tawhta aly kawpa ta daihti pachhâpa a châ.
(Source: Gen. HQ : Siaha)