SIAHA, 29 April, 2026 – Puhpa FC. Chhuasa, Mara Writers’ Club, Siaha ta “Mara Autonomous District Council (MADC) Lâthlôh” tahpa a rohpa he vaw reih hra tua mah y.
“Palôh pathieh n’awpa ta pahno chiehpa/daihti khô chiehpa a chyhta palâsa heih sy.”
1) Kô 1945 liata Mara bei 25 zy cha Saikao liata Mararâh hmialâ daihti pachâ pahmaoh awpa ta tlô pakhy ei ta, he he târi 1.4.1945 lia kha a châ. Ryureina eihpa pie awpa ta Additional Superintendant o South Lushai Hill, Lunglei hnohta hiana ama pangia.
2) Âchhyna hmô awpa y leipa vâta târi 3.11.1945 liata tlô pakhy heih ei ta, he hiana deikua cha Superintendant of Lushai Hills Aizawl hnohta ama pangia ha bâ.
3) A ei 3 nawpa ta târi 1.4.1947 liata hiana pangia heihpa châ ta, he lia chhochhi cha Chin Hills, Lushai Hills, Arakan Hills Tracts liata Marasaw ypa zydua cha Crown Colony ta y awpa ta ama vaw hiah.
4) Adyuhpi ei II na vaw chhâ ta, India cha Independence hmô cheingei bâ awpa duasua liata a duah ha bâ ta. Ryu amâ rei nawpa dâh vaw phorâ awpa ta Constituent Assembly padua ei ta, Dr. Ambedkar cha Chairman a châ. North East Tribal zy a chupasiana rai hria awpa ta Commission paduapa châ hra ta, Gopinath Bordoloi cha Chairman châ ta, Bordoloi Commission tahpa ta pahno viapa a châ.
5) He Commission ta Aizawl ama vaw tlô no he ta Mizo Union Party cha ama rei a raoh khao leipa ta, R. Vanlawma nata a pyzy ta Mara nah ta ama hiapa hawhpa, ryureina eihhrâhpa kho ei ta, Ch.Saprawnga zy py ta Autonomy power ama vaw khoh haw. Ch. Saprawnga zy he Mara nah hmo hiapa a hao kawpa ama châ. Tlaikao nah cha py 2 lâ ta ama kei haw.
6) Bordoloi Commission ta he hawhta report a pangia haw. NE Tribal zy he pho lai viapazy ta ama disao lei nawpa ta ADC piepa châ sala, pho chynawh via pachhuah heihpazy cha Regional Council piepa châ mawh sy tahpa ta.
7) Lakher nah hiana zydua a dyutuhpa lai chaipa cha Mizo Union he a châpa ta â lâ.
8) Kô 1948 liata Pawi-Lakher Convention cha Lawngtlai liata hneipa a châ. 1950, phiapi noh 25 liata Amôbyu lia a tyhpakhy heih ei ta, Pawi-Lakher Teibal Umion Party ama vaw padua.
8) 20th patô 1952 liata Council padua theina order pua ta. Kô 23.4.1953 liana kha ta Poi – Lakher Regional Council cha Lunglei liata pahypa a vaw châ haw.
9) Lunglei SDO B.W. Roy cha CEM ta so chypa a châ.
10) PL Regional Council Election hmiatua chaipa cha 1953 liata hneipa a châ. CEM C.Zochhuma a châ.
11) kô 1963 December liata Zyhno khih liata Mara Freedom Party paduapa a châ.
President – V. Hlychho
Vice President – Hiphei
General Secretary – Mylai Hlychho
Assistant General Secretary – S.Pailei
Treasurer – Sialua Hlychho.
12) 1964 liata District Council eihpa hiana cha, Assam CM BP Chaliha hnohta ama pangia.
13) kô 1965 5th February my dawh 10 pa ta PL Regional Council tawhta ama Boycott na ama phuah.
14) Kô 1966 liata MNF a pih. MFP hlâta kô 3 ta a hawti via. MNF cha tahmâ taihta Pol.Party lai kawpa châ ngâthlâh ha chy ta, MFP deikua phôhpa hawh dei a châ haw.
15) Kô 1972, 2nd Pachawh liata Mizoram Administrator JC.Das ta Regional Council pachhaihna nata ADC 3 paduana order a papua.
16) Thla 3 chhôh châta MADC chhihtha chy awpa ta :
Zakhu Hlychho – Chief Executive Member (CEM)
S. Hiato – Executive Member (EM)
S. Pailei – Executive Member (EM)
K. Khosa – Chairman
Zavai – Nominated
NT. Leipo -Nominated
17) 1972 December liata Gen.Election tua chaipa hneipa châ ta. Constituency 9 a y.
18) 24.1.1973 liata Executive paryhpa a châ.
CEM – S. Hiato
Chairman – S. Pailei
Deputy Chairman – K. Khosa
Executive Member – 1) S.Vadyu
2) K.Paichho
19) Tahmâ cha MADC ta Golden Jubilee taih eima vaw hmâh khai haw.
20) Lushei nahzy nata District Council, âmo ADC, keimo Regional council â raohpa ta piepa châ pi ta, tahmâ he âmo cha State châ ha ei ta, keimo deikua ADC liata eima y thlâh ha chy. Nehru Plan, Direct Finance, Sixth Scheduled Amendment, UT tahpa mohzy eima nôpaw nahzy ta miah rei pahmô tyh ei ta, ahmeiseihpa râh deikua tlô thei mâh ma pi.
Atahmâ hlâta duasu pha viapa eimâ ngiahna deikua noh chareih ta alai via rili ngâ kaw. Khati ta châ sualuah aw vâ ma?
(Ro pado âh leipazy a y khiah vaw pado lymâ kaw muh vy)
(Edited by Admin, Maraland.net)