SIAHA, Târi 21 April, 2026 – Atanoh my dawh 11:00 a.m khata atliata liata MSO General HQ chhithatuh thiehpa atlyh patlohpazy ta maophaohna ama la tawhta Office ama pahrâ nawpa eikhana a châna hawhta, MSO General HQ chhithatuhpa term 2026 – 2028 chhôhta daihti ama kaw hmâh laih lymâ nawpa liata, Office nata chhaichhi, daihti zy Rev. VBH Sathei Thlyutha, Secretary ECM KTP HQ ta thlahchhâna ta Abeipa lâ pavaosana daihti a hmâh.
Rev. VBH Sathei Thlyutha chata MSO General HQ chhithatuh thiehpazy cha ama sie laih nawpa châta biehrai bo nata châh pha kawpa hmâpa ta pasyuna hnei ta, MSO Motto ‘For God and Maraland’ tahpa biepipa angia kawpa athei ngathlâhna chô ta, kei chakâ ta, Khazohpa hmiapasa lymâ awpa ta bie atah pâ hra ei.
Atanoh ta office pavaosana daihti he President, MSO General HQ Room liata hneipa châ ta, thlachhâna daihti khôla heta apakyna daihti pha kawpa hnei pazaopa châ ta MSO General HQ nata ECM KTP HQ zy chhaota eima thyutliapazy nata achuhaipazy châta hriaparaona phapa hnei awpa apeimawh zie zy rei pahmaopa achâ hra.
Atanoh ta MSO General HQ Office pavaosana daihti he Puhpa Judson KT Zephatha President MSO HQ ta chhitha ta, Elected Office Bearer atlyh patloh thiehpazy chhao amâ ki khai hra.
Eimâ hawna nawh kawpazy hlao maniah patloh ta, adaihti acha-ie kawpa hryta Office nata chhithatuh thiehpa Khazohpa lâ hlâna daihti maniah hmâpa tuhpa Rev. VBH Sathei Thlyutha, Secretary ECM KTP HQ chô liata MSO General Headquarters mohta alyna bie eima reih hmeiseih.
Issued by – MSO General HQ, Siaha