SIAHA, 18 Thlarâh, 2020 – Atanoh dawh 1:00 Pm kha ta CEM’s Conference Hall, Mara Autonomous District Council (MADC) Complex liata “MADC Prices Control Committee” meeting hneipa a châ.
He Meeting he Puhpa K. Beingiachhie, Sr. LAO, MADC ta chhihtha ta, Puhpa C. Mochônô, Asst. LAO ta minute a roh.
Meeting ahlao theipazy: –
- Puhpa N. Lalzarzova, SDC, Siaha.
- Puhpa Khotha Jothyu. ILM, Legal Metrology, Siaha.
- Puhpa T. Lalrosanga, President, Joint VC, Siaha.
- Puhpa Martin L. Nohro, Sr, Vice President. MTP Gen. HQ.
- Puhpa T. JB Rona, Vice President MSO Gen. HQ.
- Pihnô B. Ngiasô, Gen. Secretary, MCHP Gen. HQ.
- Puhpa ZT. Nawlhranga, President, Butcher Association, Siaha.
He meeting liana he ta Siaha District chhôh liata sa zuana mâ rate mopathi byuhpazy reipa châ ta, rate thiehpa chhao tao abyuhpa ta pahnopa a châna hawh taopathipa a châ hra.
He meeting liata sa mâ rate thiehpa ama mopathipa he MADC Executive Committee ta a paryhsapa ta a châ ti ta zawpi lâ thlai apahnosana taopa a châ aw.
He meeting he Local Administration Department, Mara Autonomous District Council pachhuapanohpa ta awpa a châ.
Source: IPRD, MADC, Siaha.