SIAHA, 29 September, 2020 – MSO Gen. HQ Executive Meeting ta avaw pathlupa hawhta Siaha District chhôh liata Telecom nah zy hmah ama sie via thei n’awpa ta hmah la awpa ta avaw paryhsa chiehpa alaichadaina châta BSNL Office cha khawpa a châ.
BSNL biehneituhpa zy he ei hlupi adaoh tyhpa châ ei ta, hmasiena a y leipa vâta ultimatum piepa châ ei ta, ama hmahlana thiehpa hmô awpa a y leipa vâta MSO Gen. HQ ta ama Office cha eima khawpa haw. BSNL he mobile hleikhô ta Landline nata Broadband service chhao ama piepâ hra.
Airtel nata Jio chhao ama hmalana mohpazi ta reipahmao awpa ta târi 1/10/2020 heta MSO Opi liata atyupahmaona ama hnei aw. MSO heta Covid 19 pandemic vâta Online class kia awpa a peimaw nohta Siaha liata Signal kho âkhi thai leipa he pachâ peimaw ta, Mara râh zawpi zy phusa he Network service Provider zy ta aleipa liata maniah ama nie awpa châ vei tahpa khâchâ apy ta, Mararâh zawpi zy deichhyna amâ haw hmeiseih.
Source: MSO Vyphao Info.