SIAHA, 2 Pachawh, 2022, Pachynoh – Zâhnia târi 1.4.2022 kha ta MTP General Headquarters vyuhtuapazy ta Chapi liata atakô kô chhâna lâ liata MTP General Conference ei 32-na a y awpa kyh vâta Chapi ama tly.
Chapi VC-1 Court House liata apakyhna hneipa châ ta, 32nd MTP General Conference Managing Board, Chapi zy hleikhô ta Chapi liata MTP Branch sâ 3 nata VC sâ 3 ypa liata nôpawpazy amâ hlao.
Apakyhna he St. BeiRôkhu Beitâ, Secretary i/c Information & Publicity, MTP Gen. HQ ta Chairman châpa ta chhihtha ta, Puhpa C. Chehnei, Chairman, 32nd MTP General Conference Managing Board, Chapi ta pavaosana a hnei.
MTP Gen. HQ vyuhpa ta Puhpa C. Mochônô, Asst. Gen. Secretary nata Ls. Golden Mary Solo, Treasurer zy ta biereina chyupa ama hnei.
32nd MTP General Conference Managing Board, Chapi vyuhpa ta Puhpa C. Chehnei ta Gen. Conference châta hmahlana tlâhpipa report pie ta, VC sâ 3 nata MTP sâ 3 ypa tawhta Gen. Conference a vaw y awpa kyh liata amâ patohpatiana dâh biereina ama hnei chyu hra.
Daihti chhâna lâ liata Bei Thlahchhâ reiparaohpa ta apakyhna daihti pachhâsapa a châ.
Atakô Chapi liata 32nd General Conference a vaw y awpa kyh liata he meeting he ta he hawhta bie pathlupa a châ:-
- November 2022 thla chhâna lâ liata Gen. Conference hnei awpa a châ aw.
- COVID-19 Pandemic vâta General Conference hnei thei lei awpa a châ pathlei khiah ryraona tao chhyh awpa châ aw ta, General Conference apatopatiana kyh liata rairuna a y lei nawpa ta August 2022 thla chhâ hlâta thâtih pasia khai awpa.
MTP Gen. HQ tawhta vyuhtuapa asie theipazy:-
- Puhpa C. Mochônô, Asst. Gen. Secretary.
- St. BeiRôkhu Beitâ, Secretary i/c Info. & Publicity.
- Ls. Golden Mary Solo, Treasurer
- Ls. Beireisi Sawthly, Miss Mara 2019 2nd Runner Up.
MTP Gen. HQ tawhta vyuhtuapazy he Vao vaw thiepa ei ta, MTP Gen. HQ ta ama chô liata alynabie ama reih.
(Admin, MNN. Source: Beirôkhu Beitâ, Secretary i/c I & P, MTP Gen. HQ: Siaha.