SIAHA, 1 Pachawh, 2022 – Atamy dawh 7:00 AM pa ta MADC Agriculture and Farmers Welfare Department pachhuahpanohpa ta
CEM Bunglow Tlyhmia tawhta Puhpa N. Zakhai, Hon’ble CEM ta “Agricultural Machinery for custom hiring centre” châta Flag off a hnei.
He Agriculture Machinery – Tractor he Chauthie Paddy Growers Society, Siasi zy châta châ ta, atamy kha ta ama hnoh ta hlâoa a châ.
He programme he Pihnô Catherine M. Chozah, Sr. Agriculture Officer ta chhihtha ta, technical report a pie pâ.
Chauthie Paddy Growers Society hnohta Tractor pie pa he New Holland Tractor Model No. NDL 4710 2WD,47 HP châ ta, Rs.12 Lakhs mâpa a châ.
Puhpa N. Zakhai, CEM & i/c Agriculture chata biereina chyupa hnei ta, leipalie tao awpa kyh liata rairuna thata atyh tyh pi ta, leipalie tao awpa ta chyhsapa tha nata zâh hluhpi angiah ta, cha rairuna pathlâpazi awpa nata leipalie hneituhpa zy bao tah, a hluh – â thôh viapa ta eima hria papua thei nawpa ta MADC sawhkhâ ry liata Agriculture and Farmers Welfare Department Department he ta Mechanised Farming he a pachâ peimawh kaw.
Sawhkhâ hmahlana kyh liaya dâh nata phôh zy zapa ta ngachhihna palôh phaopata raihria ta m, hmialâ sie lymâ awpa ta leipalie hneituhpazy bieta ta, ignition key, operating manuals, terms and conditions zy cha Chauthie Paddy Growers Society zy ku liata hlâpa ta a pathlie.
Puhpa K. Hrahmo, Executive Member i/c Education etc. ta a bia leipalie hneituhpazy vyuhpa ta alyna bie reina a hnei.
He Programme liana he ta Puhpa K. Chhihrau, Executive Secretary, MADC chhao ahlao ta, Agreement dDeeds liata pahno kheihtuhpa châ ta signature a pie hra.
Source: PRESS RELEASE NO.34/2022
ISSUED BY:-
Information & Publicity Department
Mara Autonomous District Council
Siaha