SIAHA, 15 Phiapi, 2022, Hriaheinoh – Zâhnia târi 14.11.2022, dawh 2 Pm – 4:30 Pm chhôh ta Special Assembly a vaw y awpa kyh vâta Puhpa Martin L. Nohro, Sr. Vice President chhihthana ry liata MTP Gen. HQ Opi liata MTP Gen. HA Executive Meeting hneipa a châ.
He meeting liata Agenda avaw ngiapazy athlipasohna nata Special Assembly Programme zy mopadona hneipa a châ.
He Special Assembly he Council Vaih Multipurpose Hall, Siaha liata zâ 3 nata noh 2 chhôh hnei awpa châ ta, târi 23.11.2022, Pakhynoh ta tlôpakipa a châ aw; nohchhô noh 1-na târi 24.11.2022 pa ta Ryureina hnei awpa châ ta, nohchhô noh 2-na târi 25.11.2022 pa ta General Election hnei awpa a châ.
Noh 1-na noh liata Khichhai laipa châta Dr. K. Beichhua, Hon’ble Minister of State, Mizoram apahawhpa châ ta, noh 2-na noh liata Khichhai laipa châ ta Puhpa H. Malvina, Hon’ble CEM, MADC apahawhpa a châ hra.
He Special Assembly a vaw y awpa liata MTP Gen. HQ vyuhpa ta maophaohna chaba via awpa ta Puhpa J. Ngôchyu, Secy. i/c Art & Culture nata Puhpa Sahlo Bohia, Secy. i/c Social Welfare zy raopa châ ei ta, Council Vaih MTP Branch nata ECM Vaih MTP Branch zy ku liata maophoahna pahniehpa a châ hra.
Atakô MTP General Conference he Chapi liata MTP Branch sâ 3 ypazy ta 31st MTP Gen. Conference, Kiasie liata 32nd MTP Gen. Conference, Chapi liata tlô awpa ta amâ pahawhpa hawhta Chapi liata tlô awpa a châ taraw ta, COVID-19 vâ nata Refugee zy vâta apatohpatiana nata patlôna liata rairuna y vâta, Chapi MTP Branch zy ahawna hawhta MTP Gen. HQ ta Special Assembly hnei awpa ta ryhraona taopa a châ.
Khichhai a vaw tlô awpazy he Multipurpose Hall yna vaih Council Vaih nata â hniana vaih zy – ECM Vaih, Siaha Vaihpi, New Colony zy liata tlô awpa ta ahawna tao awpa ta Executive meeting hmiatuapa ta pathlupa châ ta, abyuhna hawhta vaih hrozy liata chhao tlô awpa ta ahawpa a châ hra.
He meeting liata Revd. NC. Vabeilua, Sr. Adviser, MTP Gen. HQ, Puhpa H. Vabeitha, Adviser, MTP Gen. HQ nata Puhpa V. Samson, Adviser, MTP Gen. HQ zy amâ hlao thei hra.
Sd/- BeiRôkhu Beitâ
SECRETARY
i/c Information & Publicity
MTP Gen. HQ, Siaha.