SIAHA, 16 Di, 2022, Chutynoh (MNN) – Environment & Forests (E & F) Department, MADC nata Hraisua (Cherry Blossom) Festival Organising Board zy apakaohpa ta pachhuapanohpa Hraisua (Cherry Blossom) Week (11th-17th Dec, 2022) Festival-2022 main celebration cha atanoh my dawh 11:00 Am kha ta Siaha tlâhpi lâpi liata E & F Department râh – Hraisua tho lona supi chaipa liata Comperes Satlia S. Beikhochhua nata laihsa A. Beinonai zy chhihthana ry liata arônah kawpa ta ahmâpa a châ.
Khichhai laipa Puhpa Laicho Nôtlia, Prominent citizen & Mara Litterateur nata Khichhai zachhihpa Puhpa Vabeimozachhi Chozah, DTO & BDO, Siaha zy ta he daihti he ama hmâ khei.
Puhpa Thaly T. Azyu, CF, E & F Department, MADC ta welcome speech reina daihti hmâh ta, Laihsa Ellen Hlychho, Coordinator, Social Mission & Development, ECM Assembly Office, Siaha ta daihti ziehpa a hmâh. MTP Branch, Meisavaih zy ta Opening song paryh ei ta, MTP Branch, Siahatlâh zy ta Vâ-ia lâ angia kawpa ama pamosa hra.
Hraisua Festival pachhaipa ta Photography nata 3 mins Mobile Video Clips Competition patohpatia pâpa a châ.
Photography liata lymâ adaopazy:-
1st Prize – Hnaino Chhachhai
2nd Prize – Vanlalhruaia Kompa
3rd Prize – Maria H. Lalramhnaii
3 mins Mobile Video Clip Competition liata lymâ adaopazy :-
1st prize – K. Lianthansanga, Council vaih
2nd prize – C. Beichakao, Siaha Vaihpi
3rd Prize – Vanlalhriattiri, New Siaha East
Photography nata 3mins Mobile Video clip competition liata lymâzy cha he hawhta châ ta, khichhai laipa nata khichhai zachhihpazy ta ama rai pâ hra:-
1st Prize – Certificate+Rs.3,000/-
2nd Prize – Certificate+ Rs 2,000/-
3rd Prize – Certificate+ Rs.1,000/-
Hraisua Festival alyna chikha châta Maraland Video and Photographers’ Society (MVAPS) zy ta Mister Hraisi nata Miss Hraisua-2022 atlyna hneipa a châ hra.
Mister Hraisi 2022 – Francis Bohia, College Vaih
Miss Hraisua 2022 – Sironi Notlia, College Vaih
MVAPS he ta Hraisua (Cherry Blossom) Theme hmâpa ta Photo Exhibition pachhuahpanoh pâ ei ta, Nothlahpa (with Frame) sâ 1 liata Rs.1,000/- (Minimum Price) ta zuah ei ta, ama nothlahpa taw papuapazy cha zawpi ta pasô kaw ei ta, asu liata ama zuah khai rô hapa a châ.
He Festival he Session sâ 2 lâta pachhaihpa châ ta, Second session liata Musical Entertainment/concert châta daihti ahmâpa a châ.
Mara Hlasa Py(MHP) nata Maraland Rock Society (MRS) apakaohpazy ta Live music ta Mara thyutlia nata chhâ parohpa hlasa thaipazy ta mo pakha ta hla ama sa hlei khô ta Rock band ta chhao ta hla ama sapa cha zawpi ama palysa kaw.
(Admin, MNN. Source: Dy. Director, DIPR, Siaha Dist., Siaha.)