SIAHA, 26 Khihpa, 2023, Pakhynoh – Atanoh my dawh 10:30 Am kha ta MADC Monsoon Session 2023 cha MADC Session Hall liata hnei pazaopa châ ta, Puhpa N. Viakhu, Chairman ta Puhpa Nahlo Solo, Siaha North-I biatuhpa cha pavaosana hnei awpa ta rao ta, ano ta thlahchhâna a hnei khai tawhta session pathaopa a châ.
Chairman chata opposition lâ tawhta Manipur liata eima unawh nahzy rairuna amâ tyh haipa chôchâh liata reipahmaohna motion â ngiapa kyh reih ta, CCB Rules liata Session pathao hlâ noh 2 hmialâ liata motion he pangia awpa a châ vâta nata list of business liata ahlao leipa motion he apy leipa a châ tahpa reih ta, opposition nah lâ chata Chairman biehneina a châ tahpa ta reipahmaoh pasai awpa ta ahaw ei ta, Chairman ta â ryh a tah leipa vâta opposition INC nata MNF MDC zy ta ama palôh tlâh leipa ta House ama puasai. Hiahrina nata Achhyna daihti hmâh leipa ta dawh 10:45 Am pa ta myrâh liata session cha Chairman ta a pachhâsa.
Zâlâ dawh 2:00 Pm pa ta session he hnei pazaopa châ ta, opposition MDC nahzy amâ hlao lei vâta ruling nahzy ta zâhnia liata official Bills & Rules amâ ngiakheipazy cha lôraoh kawpa ta pass ei ta, Puhpa N. Viakhu, Chairman chata dawh 2:25 Pm pa ta daihti bitaihpa y leipa ta Monsoon Session 2023 he a pachhâsa.
Atakô Monsoon Session hnei chhôh ta ropa ta achhypa hiahrina sâ 4 zy nata pakah ta achhy byuhpa hiahrina sâ 8 zy achhypa a châ.
Bills and Rules pass-pazy:
Official Bills:
- The Mara Autonomous District Council (Town Police) Bill, 2023.
- The Mara Autonomous District Council (Town Council or Committees) (Third Amendment) Bill, 2023.
Official Rules:
- The Mara Autonomous District Council Group ‘B’ (Non-Gazetted), Group ‘C’ and Group ‘D’ (Multi-Tasking Staff) Recruitment and Engagement (on Contact basis) Rules, 2023.
- The Mara Autonomous District Council (Salaries and Allowances of Chief Executive Member and Executive Members, etc.) (Third Amendment) Rules, 2020.
- The Mara Autonomous District Council (Salaries and Allowances of Chairman and Deputy Chairman) (Second Amendment) Rules, 2020.
- The Mara Autonomous District Council (Salaries, Allowances and Pension of Members (Sixth Amendment) Rules, 2020.
- The Mara Autonomous District Council (Constitution, Conduct of Business etc. (Sixth Amendment) Rules, 2022.
Source: I&PO, MADC