SIAHA, 6 Di, 2023, Pakhynoh – Ahmiatua ta Palâ bia [40-Palak (ST) A/C] zawpi zydua, eima Beipa Zisu Krista moh ta ei châ naoh chyu ei.
Atakô Mizoram Legislative Assembly General Election apalâ kawpa ta eima hnei patlô thei pa he a ly â chhih hmeiseih. Cha dei châ leipa ta hlaotlohna khochhih kawpa nâ patosatuhpa eima Beipa Khazohpa nata Pala bia zawpi hnoh ta palôh hmeiseihpa ta alynabie ei reih.
Election vâta Campaign-pa ta nâ buakheituhpa Central BJP, State BJP nata BJP District Headquarters,Siaha nata MADC liata ei hrialâhpa Elected Office holders na zy hnoh ta alynabie reih na ta, amô-azia leipa ta nâ buakheituhpa BJP Unit na zydua nata mo pakha tawhta kyhpachâna chô ta tha nata zâh zydua apiepasaipa ta nâ buakheituhpa zydua hnoh ta alynabie reih na ta, ei vaw tloh thei na awpa ta thapi phia pata vote nâ saiheituhpa Pala bia zawpizy nata thlah nâ chhâkheituhpa Awnanopazy hnoh ta alynabie ei reih.
Abeipa khozie hawhta Pala bia châta rai ei hria thei nawpa nata Khazohpa liata apahniena chô ta râh chakaona rai ei hria lymâ thei nawpa ta thlahchhâ na bao pazao lymâ awpa ta Pala bia zawpizy ei châ haw hmeiseih ei.
Nama khokheina adaotuhpa,
Sd/- K. Hrahmo
BJP Candidate
40- Palak (ST) A/C