SIAHA, 29 Pamih, 2022 – Atakô 2022 he MADC â vaw dua tawhta kô 50 a tlohna châ ta, alyna châta atanoh dawh 12:00 PM pa ta MADC Complex tlyhmia liata Mara Autonomous District Council (MADC) Golden Jubilee Celebration pahyna Programme ahmâpa a châ.
Puhpa N. Zakhai, CEM, MADC zachhihpa cha Chief Guest châ hruapa châta, ano ta Mara Autonomous District Council (MADC) Golden Jubilee (1972 -2022) Lôbô pahyna hnei ta, Golden Jubilee Flag chhao pahyna hnei ta, Golden Jubilee anaohna nata biereina chyupa a hnei pazi.
Puhpa K. Chhihrau, Executive Secretary, MADC ta introductory nata welcome speech a reih.
Programme he Satlia MC. Beihrôhmô nata Laihsa T. Cassidy zy ta Comperes châpa ta chhihtha ei ta, Rev. T. Salaw, Moderator, ECM Assembly ta Biehrai Pathaihpa Hlazy 118:1-9 rei papuana nata pavaosana thlahchhâna daihti a hmâh.
Râh nôpaw hmiatuapa Puhpa S. Pailei nata Machâ A. Pawchi MFP Party rei a ngiah ta, Interim District Council a châ no ta Mararâh ta MRC Election a Boycott no ta Staff a châpa nata Mararâh pha nawpa ta rai a bâh ngâhpa hry liatahpa zy ta biereina chyupa ama hnei hra.
Laihsa Jessica Ngôdy Hlychho, Mara Idol Season 6, Laihsa Zine P. Fachhai zy hleikhô ta Senior artiste Puhpa John Beizachhi Phuto nata Laihsa Jessica B. Khuhly zy ta Pho hla nata Khazoh reithaina hla ama sa.
Puhpa H. Sahlo, Chairman, MADC ta Golden Jubilee Flag ri paraipa ta pakai ta, Puhpa K. Hrahmô, EM i/c Education etc. MADC ta Car liata taw awpa Golden Jubilee Flag a pahy.
MTP Branch: Meisavaih zy ta Opening Song sa ei ta, MTP Branch: Siaha Vaihpi zy ta Awhkhypalâ lâh ei ta, MTP Branch: College Vaih zy ta Sawlâkia ama kiah.
Daihti chhâna lâ liata Puhpa MH. Tiabi, EM i/c LAD, MADC ta Vote of Thanks a reih.
MADC Golden Jubilee he târi 29.4.2022 liata alyna pipa (main celebration) hneipa a châ aw.
Source: PRESS RELEASE NO.31/2022
ISSUED BY:-
Information & Publicity Department
Mara Autonomous District Council
Siaha.