AIZAWL, 14 Thlarâh, 2022, Pakhynoh (MNN) – Atazâ kha MSU pachhuapanohpa UPSC Challenge Inter College Quiz Competition 2022 cha Ignite Studio, Khatla, Aizawl liata Final hneipa châ ta, Government Saiha College (GOSACO), Siaha zy cha sâ 2-na châ ei ta, sâ 1-na – champion cha Government Hrangbana College zy ama châ.
GOSACO Siaha tawhta ahlaopa AZ. Zarzomawii nata Thomas Beizalai zy he ta 2nd Prize – Citation, Trophy nata Cash Prize Rs.50,000/- lymâ dao ei ta, champion zy he ta Châbu, Citation, Trophy nata Cash Prize Rs.50,000/- lymâ ama dao hra.
Atakô MSU pachhuapanohpa UPSC Challenge Inter College Quiz Competition 2022 he Miss Mizoram 2022 runner up Zomuanpuii Fanai ta Quiz Master châ ta, Quiz he UPSC Syllabus tawhtapa taopa a châ.
Ataopasuana he August 15, 2022 tawhta pathaopa châ ta, Mizoram chhôh liata District sâ 10 zy tawhta College 22 tlai ataopasuana liata amâ hlao.
GOSACO zy eimâ lykhei ngaita.
(Admin, MNN)