SIAHA, 26 Phiata, 2022, Pakhynoh – Târi 25 & 26 Phiata, 2022, noh 2 chhôh ta Puhpa Lalmalsawma Zasai, Hon’ble Dy. CEM, MADC ta Tisi, Ahmypi, Khopai & Laki khihzy liata MADC ry liata Schoolzy tlypa ta School Teachers nata Studentzy hleikhô ta khitlâh nôpaw nata NGOs zy apakyhna a hnei.
A tlypa khito lia maih ta khihsawzy ta Welcome Gate taopa ta arônah kawpa ta ama vaw dy.
Hon’ble Dy. CEM ta Mararâh achuna hmahsiena a pachâ peimawh vâ nata Mararâh liata Pachutuhpazy nata School Building zy, ano pôhpa tlai ta hmô tah, mopasia awpa a khoh vâta asiepapuapa châ ta, Mararâh Education hmah asie via heih thei nawpa tahpa subject hmâpa ta khi to liata biereina hnei laih ta, atahmâ he MADC ry liata School 86-zy a tly papua hapa a châ.
“Mararâh liata Schoolzy he MADC liata School Education Department portfolio atotuhpa eih châ leipa ta, akhih hneituhpazy eih a châ; nama mohôh pha khiah akhih hneituhpazy châta sai a châ.”
“School Teachers ACR arohtuhpazy cha School Education Department hyutuhpazy châ leipa ei ta, School Studentzy tlao a châ. Khih hneituhpa VC nata NGOs zy he ta ACR tlao roh ei sa la, MCHP zy chhao ta nama sawnahzy MBBS ama pua thei nawpa ta tho phao hluh awpazy chhao nama ngâh awpa a châ.”
“Nô nata Paw zy ta eima thyutlia nahzy paritheipa tawhta aboh tah, Education liata ahrana thiehpa hnei awpa ta tiama eima papua pathao awpa apeimawh hmeiseih.”
“Eima râh ta achuna liata hmah a sie lymâ thei nawpa ta nô nata paw, VC, NGO nata Pachutuhpazy ta eima sawnahzy châta tah hmeiseihna palôh phaopa ta Khazohpa pahnona chô ta tiama eima papua awpa byuh ta, achuna thaina ahlao leipa ta râh ta hmahsie hmeiseih thei vei tahpa reih ta, Khazohpa pahnona chô ta achuna apachâpazy hlaotloh leipa y hmeiseih vei ei” tahpa ta Hon’ble Dy. CEM Puhpa HC. Lalmalsawma Zasai ta a reih.
He khih atlypazy liana he ta Pachutuhpa ypaziezy nata School peimawhpa nata ama rairunazy chyu reikhei ei ta, a theina hawhta bao lymâ â chhuahpa a reipa cha khitlâ nô & paw, pachutuhpazy nata achuhaipa hawtizy ta amâ ly kaw sai.
Hon’ble Dy. CEM he MADC officials Puhpa John VT. Hniehu, AEO (MS), Puhpa Hallelui Lalhuapzauva, PA to Dy. CEM, Puhpa L. Beimolai PSO to Dy. CEM zy ta zi ei ta, MNF District HQ, Siaha tawhta Puhpa Mαhu Chozαh, Αdviser, Puhpa B. Vαnlαlremα. Secretαry i/c Informαtion etc. , Puhpa ST Lαlzαrmαwiα, Chαirmαn IT & Mediα Cell, Tipα MNF Block nata Artiste FC. Nipαri zy ta ama zi.
(Source: I & PO, MADC. PR NO.160/2022)